কোনকেইখন ৰাজ্যত হব নিৰ্বাচন ? ফেব্ৰুৱাৰী মাহৰ শেষত ঘোষণা হ’ব নিৰ্বাচনৰ তাৰিখ, বিজেপিয়ে কংগ্ৰেছৰ মাষ্টাৰপ্লেন!
পশ্চিম বংগ, অসম, তামিলনাডু, কেৰালা, আৰু পুডুচেৰীৰ নিৰ্বাচনৰ সময়সূচী ফেব্ৰুৱাৰী মাহৰ শেষৰ ফালে ঘোষণা হোৱাৰ সম্ভাৱনা আছে। অসমত ক্ষমতা অক্ষুণ্ণ ৰাখি তামিলনাডু আৰু বংগত চৰকাৰ গঠনৰ লক্ষ্য লৈছে বিজেপিয়ে।
নিৰ্বাচনত জয়ৰ আশাত ৰাজনৈতিক দলসমূহে নিজৰ প্ৰস্তুতি তীব্ৰতৰ কৰি
তুলিছে।
ক্ষমতা অক্ষুণ্ণ ৰাখি তামিলনাডু আৰু বংগত চৰকাৰ গঠনৰ লক্ষ্যৰে অসমত
প্ৰতিদ্বন্দ্বিতা কৰিব বিজেপিয়ে। কেৰালাত শাসকীয় বাওঁপন্থী আৰু মূল বিৰোধী দল
কংগ্ৰেছ নেতৃত্বাধীন ইউডিএফৰ মাজত প্ৰতিদ্বন্দ্বিতা ত্ৰিকোণীয় কৰিছে বিজেপিয়ে।
কেৰালাত প্ৰথমবাৰৰ বাবে তিৰুৱনন্তপুৰমত মেয়ৰ নিৰ্বাচনত বিজেপিয়ে জয়লাভ কৰি দলটো
উৎফুল্লিত হৈ পৰিছে।
২০২১ চনত ২৬ ফেব্ৰুৱাৰীত পশ্চিম বংগ, তামিলনাডু,
অসম,
কেৰালা,
আৰু
পুডুচেৰীত নিৰ্বাচনৰ সময়সূচী ঘোষণা কৰা হৈছিল। ৬ এপ্ৰিলৰ ভিতৰত তামিলনাডুৰ
নিৰ্বাচন অনুষ্ঠিত হয়।
একেদৰে পশ্চিম বংগৰ সংবেদনশীলতাৰ প্ৰতি লক্ষ্য ৰাখি ২৭ মাৰ্চৰ পৰা ২৯
এপ্ৰিললৈ নিৰ্বাচন আয়োগে আঠটা পৰ্যায়ত নিৰ্বাচন অনুষ্ঠিত কৰিছিল।অসমত ২৭ মাৰ্চৰ
পৰা ৬ এপ্ৰিললৈ তিনিটা পৰ্যায়ত নিৰ্বাচন অনুষ্ঠিত হৈছিল।সকলো বিধানসভাৰ কাৰ্যকাল
মে’ মাহত শেষ হয়।
ৰাজ্যিক ৰাজনৈতিক সমীকৰণ
পশ্চিম বংগত মূল যুদ্ধ হৈছে শাসকীয় টিএমচি আৰু বিজেপিৰ মাজত।
যোৱাবাৰ ৩খন আসনৰ পৰা ৭৭খনলৈ বৃদ্ধি পোৱা বিজেপিয়ে এইবাৰ ক্ষমতা অক্ষুণ্ণ ৰাখিব
বিচাৰিছে, আনহাতে টিএমচিয়ে চৰকাৰক বচাবলৈ চেষ্টা চলাইছে।
অসমত বিজেপিয়ে চৰকাৰৰ পুনৰাবৃত্তিৰ বাবে চেষ্টা চলাইছে, আনহাতে
কংগ্ৰেছে এইবাৰ ক্ষমতা দখল কৰিবলৈ বিচাৰিছে। তামিলনাডুত বিজেপিয়ে এআইএডিএমকে আৰু
অন্যান্য মিত্ৰৰ সৈতে মিত্ৰতা কৰি শাসকীয় ডিএমকেক প্ৰত্যাহ্বান জনোৱাৰ চেষ্টা
চলাইছে। কেৰালাত ২০২৪ চনৰ লোকসভা নিৰ্বাচনত বিজেপি নেতৃত্বাধীন এন ডি এয়ে ১৯
শতাংশ ভোট লাভ কৰি তৃতীয় শক্তি হিচাপে আত্মপ্ৰকাশ কৰিছে।
বৰ্তমানৰ আসন-
পশ্চিম বংগ মুঠ বিধানসভাৰ আসন: ২৯২
টিএমচি- ২১৫
বিজেপি- ৭৭
কেৰালাৰ মুঠ বিধানসভাৰ আসনঃ ১৪০ খন
বাওঁ নেতৃত্বাধীন এল ডি এফ- ৯৭
কংগ্ৰেছ নেতৃত্বাধীন ইউডিএফ- ৪২
অসম মুঠ বিধানসভাৰ আসনঃ ১২৬ খন
এন ডি এ ৭৫
কংগ্ৰেছ- ৫০
পুডুচেৰী মুঠ বিধানসভাৰ আসন: ৩০
এন ডি এ- ১৬
ইউ পি এ- ৯
আন- ৫
0 Comments