শাহুৱেকৰ সৈতে অবৈধ প্ৰেমত পৰি হত্যা কৰিলে পত্নীক, হত্যাকাণ্ডৰ পিছত অশ্লীল ফটো ভাইৰেল

উত্তৰ প্ৰদেশৰ কাছগঞ্জ জিলাৰ এজন লোকে শাহুৱেকৰ প্ৰেমত পৰি নিজ পত্নীক হত্যা কৰে। অবৈধ প্ৰেমৰ কথা পোহৰলৈ অহাৰ পিছত তেওঁলোকৰ ফটো ভাইৰেল হৈছে।

নিজ মাকৰ সৈতে অবৈধ সম্পৰ্ক থকাৰ সন্দেহত প্ৰায়ে স্বামীৰ লগত তীব্ৰ বিবাদ হৈছিল শিৱানীৰ।

তথ্য অনুসৰি ২০১৮ চনত শিৱানীয়ে প্ৰমোদৰ সৈতে বিবাহপাশত আবদ্ধ হৈছিল।প্ৰমোদক শাহুৱেকৰ সৈতে অবৈধ সম্পৰ্কত জড়িত থকাৰ অভিযোগ পৰিয়ালৰ লোকে প্ৰায়েই কৰি থাকে। যাৰ বাবে পৰিয়ালৰ ভিতৰত সঘনাই বিবাদৰ সৃষ্টি হোৱা হয় বুলি জানিব পৰা গৈছে।

আৰক্ষীৰ মতে এই অভিযোগৰ বাবে পৰিয়ালটোত কিছুদিন ধৰি উত্তেজনা অব্যাহত আছিল। এই অবৈধ সম্পৰ্কৰ ফলত উদ্ভৱ হোৱা সংঘাতৰ বাবে শিৱানীৰ বিৰুদ্ধে কেইবাবাৰো হিংসাত্মক পৰিস্থিতিৰ সৃষ্টি কৰিছিল।

দুদিন পূৰ্বে প্ৰমোদ আৰু শিৱানীৰ মাজত আন এক উত্তপ্ত কাজিয়া হয়, য’ত অভিযুক্তই তেওঁৰ পত্নী শিৱানীক হত্যা কৰে। ঘটনাৰ পিছতে প্ৰমোদ আৰু তেওঁৰ পৰিয়ালৰ লোক পলায়ন কৰা বুলি জানিব পৰা গৈছে।

হত্যাকাণ্ডৰ পিছত ছ’চিয়েল মিডিয়া প্লেটফৰ্মত প্ৰমোদ আৰু তেওঁৰ শাহুৱেকক লৈ কেইবাখনো আপত্তিজনক ফটো প্ৰচাৰ হয়।

শিৱানীৰ আত্মীয়ই দাখিল কৰা এজাহাৰৰ ভিত্তিত আৰক্ষীয়ে প্ৰমোদ আৰু তেওঁৰ পৰিয়ালৰ অন্যান্য সদস্যৰ বিৰুদ্ধে হত্যাৰ গোচৰ ৰুজু কৰিছে।

আৰক্ষী প্ৰশাসনে বিভিন্ন স্থানত অভিযান অভিযুক্তক বিচাৰি উলিয়াবলৈ চেষ্টা অব্যাহত ৰাখিছে।